Urukiko Rw’ibanze rwa Nyamata rwaburanishije urubanza Ubushinjacyaha bukurikiranyemo abakozi batanu b’ikigo cy’amashuri cya GS Mareba  bakekwaho kunyereza umutungo w’ikigo.

Abaregwa bakurikiranyweho kunyereza amafaranga abanyeshuri batanga yo kurya, amafaranga y’impapuro abanyeshuri baba basabwa, Gaze yigishirizwaho abanyeshuri biga imyuga, ndetse n’ibikoresho bikoreshwa mu bwubatsi bitazanywe ngo byigirweho kandi Leta yarabitanze.

Abacyekwa kunyereza uwo mutungo bose uko ari 5, raporo ya Audit bakorewe yagaragaje uruhare rwa buri wese ndetse n’ingano y’amafaranga aregwa. Basabwe kwishyura ayo mafaranga mu gihe bakorerwaga igenzura barabyanga, bahakana ko nta mafaranga batwaye. 

Mu urubanza, Abaregwa ntibemera icyaha bakurikiranyweho. Urukiko rukaba rwapfundikiye iburanisha, rutangaza ko ruzasomwa ku wa 07/10/2025

Icyaha cyo kunyereza umutungo giteganywa kandi kigahanishwa ingingo ya 10 y’Itegeko n°54/2018 ryo ku wa 13/08/2018 ryerekeye kurwanya ruswa.