Ku wa 30 Ukwakira 2024, Ubushinjacyaha ku Rwego Rwisumbuye rwa Gasabo, bwakiriye dosiye y’umugabo watemye umugore babanaga akamwica, dosiye ye ikaba yahise iregerwa Urukiko Rwisumbuye rwa Gasabo.  

Icyaha akurikiranyweho yagikoreye mu mudugudu wa Kaguna, akagari ka Rulindo, umurenge wa Musenyi, mu karere ka Bugesera ku itariki ya 17/10/2024. Kuri iyo tariki, uregwa akoresheje umuhoro yatemwe umugore babanaga umurambo uwujugunya mu bwiherero buri inyuma y’urugo rwabo.

Uregwa yemera icyaha akurikiranyweho, agasobanura ko yatemye umugore we mu ijosi bapfuye amafaranga ibihumbi ijana na makubyabiri (120.000 FRW) yamwatse undi akayamwima.

Icyaha cy’ubwicanyi akurikiranyweho giteganywa kandi kigahanishya ingingo ya 107 y’ Itegeko nº 68/2018 ryo ku wa 30/08/2018 riteganya ibyaha n’ibihano muri rusange. Nikimuhama azahanishwa igihano cy’igifungo cya burundu.