Ubushinjacyaha ku Rwego Rwisumbuye rwa Gasabo, bwakoze ubukangurambaga bugamije gukumira ihohoterwa rishingiye ku gitsina, by’umwihariko icyaha cyo gusambanya abana n'ikoreshwa ry'ibiyobyabwenge mu kigo cy' ishuri cya GS Gihogwe giherereye mu murenge wa Gatsata, Akarere ka Gasabo.

Abanyeshuri 1,115 bitabiriye iki kiganiro basobanuriwe ubwoko bw'ibiyobyabwenge, Ingaruka zo gukoresha ibiyobyabwenge, ndetse n’ibihano biteganywa n’amategeko ku bakoresha ibiyobyabwenge  n’ababikwirakwiza.

Basobanuriwe kandi ibijyanye n’ihohoterwa rishingiye ku gitsina cyane cyane irikorerwa abana, ingaruka zaryo, uburyo bwo kubungabunga ibinyetso mu gihe hari uwahohotewe, ndetse banamenyeshwa uburyo bwo gutanga amakuru mu gihe hari uwahohotewe. 

Abanyeshuri babajije ibibazo bitandukanye ndetse bafata n'ingambo zitandukanye zirimo kwigisha bagenzi babo no gutanga amakuru ku byaha by’ihohoterwa ndetse n’ikoreshwa ry’ibiyobyabwenge.