GICUMBI: AKURIKIRANYWEHO GUKORESHA IMIBONANA MPUZABITSINA KU GAHATO UMUKOBWA WE
Ubushinjacyaha ku Rwego Rwisumbuye rwa Gicumbi bwaregeye Urukiko rw’Ibanze rwa Gicumbi, umugabo w’imyaka 42 y’amavuko utuye mu Karere ka Gicumbi, Umurenge wa Nyamiyaga, Akagari ka Kabeza, busaba ko afungwa iminsi 30 y’agateganyo, nyuma yo gukekwaho icyaha cyo gukoresha imibonano mpuzabitsina ku gahato umukobwa we w’imyaka 19 y’amavuko.
Mu ibazwa rye, uregwa ahakana icyaha akurikiranyweho. Icyaha akurikiranyweho giteganywa kandi kigahanishwa ingingo ya 134 y’Itegeko Nº 68/2018 ryo ku wa 30 Kanama 2018 ryerekeye ibyaha n’ibihano muri rusange.