KARONGI: UKURIKIRANYWEHO GUSAMBANYA UMUKOBWA WE YAFUNZWE BY’AGATEGANYO
Urukiko rw’ Ibanze rwa Bwishyura rwemeje ko hari impamvu zikomeye zituma umugabo ukurikiranyweho icyaha cyo gusambanya umukobwa we w’imyaka 20 afungwa by’agateganyo iminsi 30 mu gihe iperereza rikomeje.
Dosiye iregwamo uyu mugabo yashyikirijwe Urukiko rw’ Ibanze rwa Bwishyura ku wa 15/11/2024. Uregwa yemera icyaha akurikiranyweho cyo gusambanya umukobwa yibyariye; akavuga ko yabitewe n’ubusinzi.
Icyaha akurikiranyweho giteganywa n’ingingo ya 134 y’itegeko nº 68/2018 ryo ku wa 30/08/2018 riteganya ibyaha n’ibihano muri rusange.