None ku wa 17 Mutarama 2025, Umushinjacyaha Mukuru ndetse n’Umushinjacyaha Mukuru wungirije basuye Ubushinjacyaha ku Rwego Rwisumbuye rwa Huye.

Ni uruzindiko ruje  nyuma y’uko asuye  Ubushinjacyaha ku Rwego Rwisumbuye rwa Gasabo, Nyarugenge, Muhanga ndetse na Ngoma.

Muri uru ruzinduko haganiriwe ku ngingo zitandukanye harimo gusuzumira hamwe uko ikorwa ry’amadosiye mu ifasi ya Huye rihagaze ku Bashinjacyaha n’abafasha b’Ubushinjacyaha, kuganira ku mikoranire y’Inzego z’ubutabera, gusuzumira hamwe ibisabwa kwibandwaho muri gahunda ya kabiri y’Igihugu yo kwihutisha iterambere (NST2), haganiriwe kandi kuri politiki nshya mpanabyaha n’amahame ishingiyeho.

Muri uru ruzinduko kandi hatumiwemo n’izindi nzego zigize urunana rw'ubutabera mu Ntara y’Amajyepfo harimo Ubugenzacyaha, Urukiko Rwisumbuye, ndetse n’ Ubuyobozi bwa Polisi.

Mu ijambo rye, Umushinjacyaha Mukuru yibukije abakora mu nzego z’ubutabera kwita mbere na mbere kubyo umuturage akeneye no gutangira ubutabera ku gihe. Yashimiye abashinjacyaha n’abafasha b’Ububushinjacyaha ku Rwego Rwisumbuye rwa Huye ku myitwarire myiza bagize mu mwaka ushize abasaba gukomeza kwita ku inshingazo zabo no kurangwa n’ubwitange mu gutanga ubutabera.